Задачка 16. Вызначце, які з паронімаў мае значэнне, указанае ў дужках.
a) Пастава (якая належыць жанчыне) жаночая // жаноцкая, неба (туманнае, імглістае) асмуглае // асмужанае, чалавек (якому не шанцуе) нешчаслівы // няшчасны, кошык (здольны змясціць вялікую колькасць) ёмкі // ёмісты, рашэнне (якое належыць пэўнай асобе) асабовае // асабістае, конь (прызначаны для запрэжкі) запражны // запрэжаны, хваляванне (якое немагчыма перадаць словамі) невыказанае // невыказнае.
b) Бона – бонна (пазыковае абавязацельства), акцэпт – акцэнт (форма безнаяўнага разліку), адрасант –адрасат (адпраўнік), абонент – абанемент (права на карыстанне чым-небудзь пэўны час), статус – Статут (збор законаў), трасант – трасат (вэксалядаўца).

Задачка 17. Вызначце, у чым выяўляецца супадзенне слоў (амонімы): у асобных граматычных формах (амаформы), у напісанні (амографы), у гучанні (амафоны), у напісанні і вымаўленні ўсіх формаў (поўныя амонімы).
a) Закусіць цуглі – закусіць горкае салодкім, вязкі глей – швэдар прыгожай вязкі, сасновыя палкі – палкі ідуць у наступ, на саламянай страсе – страсе кроплю з ліста, асеннія палі – палі кветкі на балконе, маладыя асіны – асіны рой, запрэгчы каня – з хмызняку вылецела каня, апёк руку – глыбокі апёк, імкненне да волі – даволі спрэчак.
b) Бухгалтарскі крэдыт – доўгатэрміновы крэдыт, нямецкая марка – паштовая марка, падатковыя навелы – навелы Бакачыа, нажніцы коштаў – жалезныя нажніцы.

Задачка 18. Падбярыце антонімы.
a) Шчыльны, вадкі, прыглушаны, аголены, паголены, вычарпальны, разумны, кемлівы, плаўны, дзікі, наступны, самавіты, вольны, сцвярджэнне, сакавітая, злосны, стары, жывы, белы, удзень, там, узімку, ціха, родны, марны.
b) Прыватны, павышэнне коштаў, фальсіфікат, дэ-факта, дэбет, адказчык, пасіў, рэімпарт, рээкспарт, дэвальвацыя.